Bakı Texniki Kollecinə tələbə qəbulu

Kollecə tələbə qəbulu biliyin qiymətləndirilməsi üzrə keçirilən imtahanlarda abituriyentlərin əldə etdikləri nəticələrə əsasən Azərbaycan Respublikasının Tələbə Qəbulu üzrə Dövlət İmtahan Mərkəzi tərəfindən müəyyən edilmiş qaydada həyata keçirilir.Kollecə tələbə qəbulu planı müvafiq dövlət,həmçinin ayrı-ayrı müəssisə və təşkilatların sifarişi əsasında orta ixtisas təhsili müəssisənin imkanları nəzərə alınmaqla,orta ixtisas təhsili müəssisələrinin və tabeliyində orta ixtisas təhsili müəssisələri olan nazirlik və təşkilatların təklifləri əsasında Azərbaycan Respublikasının Nazirlər kabineti tərəfindən müəyyən olunur.

Sənəd qəbulu 11-illik təhsil bazasından ali təhsil müəssisələrinə qəbulla eyni aparılır. (http://dim.gov.az/)

Qəbul 11 illik təhsil bazasından azərbaycan və rus bölmələri üzrə I-III qruplar üzrə aparılan imtahanların nəticələrinə əsasən I turda ali məktəblərə qəbul ola bilməyən abituriyentlər II turda kollecə müsabiqə əsasında daxil ola bilərlər.

Sənəd qəbulu 9-illik təhsil bazasından DİM tərəfindən internet vasitəsilə aparılır. (http://dim.gov.az/)

İmtahanlar DİM tərəfindən test üzrə keçirilir.