Azərbaycan enerji siyasətinin növbəti uğuru
Azərbaycan enerji siyasətinin növbəti uğuru
Bakı Enerji Həftəsi neft-qaz və enerji sektorunda keçirilən ən nüfuzlu beynəlxalq tədbirlərdən biridir.
Tədbirin Bakıda keçirilməsi özlüyündə bir sıra tarixi reallıqların təcəssümündən xəbər verir. Belə ki, Avropanın enerji təhlükəsizliyinin təmin olunmasında Azərbaycanın xüsusi rolu vardır.
Bakı Enerji Həftəsi çərçivəsində iyun ayının 1-də 27-ci Beynəlxalq Xəzər Neft və Qaz Sərgisinin rəsmi açılışı olmuşdur. Tədbirdə Azərbaycan Prezidenti cənab İlham Əliyev çıxış etmişdir. Möhtəşəm Prezidentimiz Azərbaycan enerji siyasəti və qarşıda duran əsas hədəflər barəsində iştirakçılara geniş məlumatlar vermişdir.
Azərbaycan müstəqillik illərində öz enerji təhlükəsizliyinə daxili sərmaye yetirmiş, daxili bazarda tələbatı tam təmin etmiş və bir sıra xarici ölkələrin enerji təhlükəsizliyində mühüm rol oynamağa başlamışdır.
Bakı-Supsa, Bakı-Tbilisi-Ceyhan, Bakı-Tbilisi-Ərzurum Bakı-Tbilisi-Qars boru kəmərləri istifadəyə verilmiş, enerji təhlükəsizliyində Azərbaycanın nüfuzu və mövqeyi artmağa başlamışdır.
TANAP və TAP qaz boru kəmərlərinin istifadəyə verilməsi bu nüfuzu və gücü daha da artırmışdır.
Azərbaycanın enerji layihələri içərisində “Cənub qaz dəhlizi”nin reallaşmasının xüsusi çəkisi vardır.
Bu layihələrin reallaşması Azərbaycanın təkcə regionda deyil, ondan kənarda da söz sahibinə çevirmişdir.
Azərbaycan qaz ehtiyatları baxımından da münasib regionlardan biri sayılır. Burada zəngin qaz ehtiyatlarının mövcudluğu əsrin ortalarında Azərbaycan qaz sənayesinin və vahid qaz, şəbəkəsinin yaranmasına səbəb olmuşdur. Artıq Azərbaycan qaz ixrac edən ölkəyə çevrilmişdir. Azərbaycan qazına olan tələbat sürətlə artmaqdadır.
Azərbaycan həm də etibarlı tərəfdaşdır, öz öhdəliklərinə hörmət edir və tərəfdaşlarından da öz öhdəliklərinə hörmət etməyi gözləyir.
Bu gün Azərbaycan digər ölkələr üçün vacib tranzit imkanlarını təqdim edir. Azərbaycan qitələri birləşdirən nəqliyyat və logistika layihələrini vaxtında icra etməklə bu gün tranzit imkanları baxımından Avrasiyada ən həlledici söz sahibi olan ölkələrdən biri kimi çıxış etməyə başlayıb.
Azərbaycan həm də zəruri infrastruktura malikdir. Dəniz limanı, bütün istiqamətlərdə bizi birləşdirən dəmir yolu avtomobil yolları və hava limanları mövcuddur.
Bakı Enerji Həftəsi ölkəmizin artan nüfuzunun göstəricisi olmaqla həm də neft-qaz və enerji sahəsində böyük potensiala malik olduğunu bir daha göstərir. Bu eyni zamanda Azərbaycanın gücündən, artan qüdrətindən xəbər verir.
Azərbaycanın əldə etdiyi bütün uğurlarda Prezident İlham Əliyevin müstəsna xidmətləri və qətiyyəti dayanır.
Azərbaycan xalqı öz prezidentini çox sevir. O,məhz lideri olduğu çox millətli və çox konfessiyalı Azərbaycan dövlətinin milli maraqlarından irəli gələn müstəqil siyasətin müəllifidir. Həmin siyasətin təntənəsi Azərbaycanın siyasi sabitliyində, iqtisadi gücündə, sosial rifahında, uğurlu xarici siyasətində, xüsusilə də tarix yazan güclü ordusunda öz təsdiqini tapır.
Bakı Texniki Kollecinin tərbiyə işləri üzrə direktor müavini: M.Nağıyeva