Bakı Texniki Kollecinin direktoru və bir qrup müəllim heyəti “Sənaye və İnnovasiyalar üzrə Bakı Dövlət Peşə Təhsili Mərkəzi”ndə olmuşlar.

21.02.2020-ci il tarixdə Azərbaycan Texniki Universitetinin nəzdində Bakı Texniki Kollecinin direktoru professor Akif Cahangirovun rəhbərliyi ilə kollecin bir qrup müəllim heyəti Bakı şəhərində yerləşən, müasir avadanlıqlarla təchiz olunmuş "Sənaye və İnnovasiyalar üzrə Bakı Dövlət Peşə Təhsili Mərkəzi”ndə olmuşlar. Mərkəzin direktoru Rəşad Xanlarov Tədris Mərkəzi və oradakı ixtisaslar haqqında geniş məlumat verdi. Kollecin direktoru prof. Akif CahangirovBakı Texniki Kolleci və kollecdəki ixtisaslar haqqında geniş məlumat verərək, Bakı Dövlət Peşə Təhsili Mərkəzi ilə Bakı Texniki Kolleci arasında qurula biləcək əlaqələrin əhəmiyyətindən, tələbə və müəllim mübadiləsindən geniş şəkildə danışdı. Gələcəkdə qarşılıqlı müqavilələr imzalamaq üçün ilkin danışıqlar aparılaraq razılıqlar əldə olundu. Daha sonra Kollecdən gələn nümayəndə heyəti Peşə Təhsili Mərkəzinin emalatxanaları ilə tanış oldular.