Bakı Texniki Kollecində “Azərbaycan – tükənməz xəzinə!” layihəsinin müzakirəsi keçirilib – FOTOLAR
Tədbiri giriş sözü ilə açan Kollecin Tədris işləri üzrə direktor müavini əvəzi və şöbə müdiri Cəlal Qardaşov müzakirə iştirakçılarını salamlayaraq tələbələrə layihə haqqında məlumat verib.Əlavə edib ki, təmsil etdiyi kollec daimə gənclərlə bağlı təşəbbüsləri dəstəkləyir, onlara qayğı göstərir.Çıxışının sonunda müzakirə iştirakçılarına uğurlar arzulayıb.
Layihə ilə bağlı ekspert qismində çıxış edən www.Aktor.az saytının təsisçisi Telman Məmmədov öncə Azərbaycan dövlətinin gənclərə qayğısından, ölkə başçısı İlham Əliyevin bu yaş kateqoriyasından olan şəxslərə geniş imkanlar yaradılmasına göstəriş verməsindən danışıb.Natiq Azərbaycan Respublikası Gənclər Fondunun çevik fəaliyyətini buna nümunə göstərib.Sonra o, müzakirə olunan mövzunun vacibliyindən, bu yöndə gənclərin üzərinə düşən vəzifələrdən bəhs edib.Xatırladıb ki, bu gün ekoloji məsələlərin həlli vacib amillərdən biridir:
"Təsadüfi deyil ki, prezident İlham Əliyevin təşəbbüsü ilə 2010-cu il Azərbaycanda "Ekologiya ili” elan edildi. Bu təşəbbüs müsbət qarşılandı və görülən tədbirlər əhali və ictimaiyyət tərəfindən dəstəkləndi, ağacəkmə kampaniyası, habelə digər vacib məsələlər xalqın iştirakı ilə həyata keçirildi”.
Sonra çıxış edən layihə rəhbəri Elminaz Qəhrəmanova həmkarlarını salamlayaraq, onun təşəbbüsünü dəstəklədiyinə görə, Azərbaycan Respublikası Gənclər Fonduna təşəkkür edib və zaldakı tələbələri də fəallığa səsləyib.
Bakı Texniki Kollecinin müəllimi Xəqanı Tağıyev, metodika kabinetinin müdiri Kifayət Sultanova, həmçinin televiziya mütəxəssisi Həbib İslamzadə mövzu ilə bağlı fikirlərini səsləndirib, gənclərin, tələbələrin suallarını cavablandırıblar.
Məruzələr, eləcə də suallara cavablar zamanı antropogen və texnogen fəaliyyətin təsiri nəticəsində ətraf mühitin, onun amillərinin, təbii sərvətlərin, biosferin, ekosistemlərin, flora və faunanın normal ahənginin tamamilə pozulmasından, müharibələrin, etnik münaqişələrin, terrorizm, kosmik tədqiqatlar, sənaye və nəqliyyat tullantılarının, kənd təsərrüfatında işlədilən zəhərli kimyəvi maddələrin atmosferi, hidrosferi və litosferi çirkləndirməklə ekoloji tarazlığın ritmini tamamilə öz məhvərindən çıxarmasından, onu kollaps və aqoniya vəziyyətinə salmasından bəhs olunub.
Ekspertlər Ermənistanın işğalçılıq siyasəti nəticəsində Azərbaycanın ekoloji mühitinə, ölkəmizin flora və faunasına, təbii sərvətlərinə külli miqdarda ziyan dəyməsini də gündəmə gətiriblər.
Təlimin gedişatında tələbələrin sualları cavablandırılıb, iştirakçılara sertifikat, buklet və əyani vasaitlər təqdim edilib.
Xatırladaq ki, layihə Azərbaycan Respublikası Gənclər Fondunun maliyyə dəstəyi ilə həyata keçirilir.
Təşəkkür edirik: Azərbaycan Respublikasının Prezident yanında GƏNCLƏR FONDU
Təşəkkür edirik: Aktor.Az
